12.69cm 人仔

2010年11月11日, 又去見那個好好的女醫生, 又可以同小BB你見見面了, 唔知係咪同你今日見面, 你知道而好興奮呢? 昨晚媽媽睡得不好, 更半夜起來嘔吐 >_<, 你做乜咁興奮? 照超聲波時, 見到你長大了, 並且手仔郁郁下, 今次一隻手放在頭上, 一隻手托住下巴, 醫生跟我說, 你的頭圍 size OK, 腳骨較長, 以你的爸媽身形計, 該似毛毛爸爸喇~ 最開心是見到你的側面, 輪廓很清晰, 醫生見我咁開心, 特登 capture 了那畫面給我 .

你看, 你在媽媽的肚內, 側面就是這樣, 見到你有心跳, 四肢發育健全, 教我放心了, 醫生說度到 pat pat 位, 是12.69cm人仔, 加埋腳仔, 可能有18cm了, 很大啊~ 遲D仲會大D添 ^^ 醫生建議11月26日的結構性超聲波才 confirm 你的性別, 那我又再等下添啦, 唔知你係 baby boy 定 baby girl 呢? 見完醫生, 開心的跟毛毛說了情況, 就去UCC Cafe 吃那個有沙律bar前菜的 set lunch, 吃不下整個 set, 就把個主餐打包明天 lunch 吃囉~ 然後就到 City Super 的 Green Bread 買了些蕃薯批, 南瓜批, 又在 City Super 買了些乳酪, 果汁, 心情大好之下, 買了本精美的 schedule planner 送給自己呢 ^^